FORSLAG TIL ENDRINGER I LOV OM BARN OG FORELDRE
Kapittel 8. Om bruken av barnelova når nokon av partane har tilknytning til utlandet.
I dette kapittelet benyttes begrepet ”foreldre” med unntak av for forhold som bare gjelder biologiske foreldre. Det blir derfor stående uendret slik:
Vert endra med lov 20 juni 2003 nr. 40 (i kraft 1 april 2004, etter res. 20 juni 2003 nr. 728, endrer kapitteltal til « 9 », samstundes vert §§ 63 til 67 til §§ 81 til 85).
§ 63. Når farskap kan fastsetjast i Noreg. Farskap kan fastsetjast i Noreg etter § 4, § 7 og kapitla 3 og 4
|
a) |
dersom mora var busett i Noreg då barnet vart født |
|
b) |
dersom barnet seinare har busett seg i Noreg, og mora eller verja til barnet ynskjer å få farskapen fastsett her, eller |
|
c) |
dersom den oppgjevne faren er busett i Noreg. |
Endringssak etter § 6 kan reisast for norske domstolar, om nokon av dei som kan reise søksmål, er busett i Noreg, eller farskapen er fastsett etter norske reglar.
§ 64. Når sak om foreldreansvar eller samværsrett kan handsamast av norsk doms- eller styresmakt. Sak om foreldreansvar, om kven barnet skal bu saman med eller om samværsrett kan reisast for norsk domstol eller handsamast av fylkesmannen
|
a) |
dersom den kravet rettar seg mot er busett i Noreg |
|
b) |
dersom barnet er busett i Noreg, eller |
|
c) |
dersom spørsmål om foreldreansvar eller samværsrett tidlegare er avgjort i Noreg, med mindre det er høve til å få spørsmålet avgjort i utlandet og avgjerdsorganet meiner at saka bør avgjerast der. |
Sak om førebels avgjerd kan handsamast av norsk domstol i alle tilfelle der barnet eller saksøkte har opphald i Noreg.
§ 65. Når sak om fostringstilskot kan handsamast av norsk doms- eller styresmakt. Spørsmålet om fostringstilskot kan handsamast av tilskotsfuten eller norsk domstol
|
a) |
når det vert reist i sak om farskap, foreldreansvar eller samværsrett for avgjerdsført norsk organ |
|
b) |
dersom ein av partane eller barnet er busett i Noreg. |
Endra med lov 3 mars 1989 nr. 8.
§ 66. Lovvalet. Saker som høyrer under norsk avgjerdsmakt etter §§ 63-65 skal avgjerast etter norsk rett.
§ 67. Godkjenning av farskap fastsett i utlandet. Fylgjer farskapen til eit barn beinveges av utanlandsk lov som skal nyttast etter rettsreglane i vedkomande land, skal dette leggjast til grunn i Noreg, så lenge anna ikkje er fastsett etter §§ 6-7.
Kongen kan i forskrift eller for det einskilde tilfelle avgjere at farskap som på annan måte er fastsett etter utanlandsk lov, skal leggjast til grunn i Noreg. Det same kan fastsetjast i avtale med framand stat.
